تحياااااااااااااااااا مصر

مش عارفه اوصفلكو ازاي كميه الفرحه الي انا فيها
فرحها لا تضاههيه فرحه

اخيرا اتلقيت حاجه مكتوب عليها made in Egypt

انا الي الان مش مصدقه نفسي

هو اه الحاجه الي اتلقيتها دي هيه علبت كبريت بس مش مشكله كل حاجه بتبتدي صغيره بتكبر

هو اه بردو اسم الكبريت كبريت الامان بس بردو مش مشكل

هو اههههه والف اه لان الكبريت زودو عيار الامان شويه لدرجه انو مبيولعش اصلا بس بردو مش مشكله

كفايه انو made in Egypt

دي كفايه اوي

طبعا كلو بيستغرب ايه الي مكتوب ده وايه الاستفزاز الي فوق ده

بس بصراحه يا جماعه الصين استفزتني لدرجه خطيره

والي فجر المشكله جوايا هو كيس سكر نبات

ايوه سكر نبات مستغربين ليه سكر نبات اه سكر نبات

هتقولولي وماله السكر نبات

اقلوكو ان العبده لله كانت راكبه اتوبيس وطلع واحد بيبيع سكر نبات وقاعد ينادي في التوبيس (( حلي بوك بنص جنيه ))
قولت اما احلي بقي

وحصلت الكارثهه

شفت الكلمه الي بكره اني اشوفها علي اي حاجه اجيبها made in China

وصلت لدرجه الاكل وكمان السكر نبات

هل خلاص مصر وصل بيها الحال لدرجه اننا مش عارفين نصنع السكر نبات
يا لسخريه القدر
ملحظناش كلنا ان في الفتره الاخيره دي بقي اي حاجه تشتريها تتلاقي مكتوب عليها made in China

سؤال يطرح نفسه بشده ؟؟؟؟

هل ستتحول مصر الي مستعمره صينيه ؟!!!!!!!!!
سوال يطرح نفسه للنقاش

تقبلو تحياتى

شكرا ليكى على الموضوع

بس ها تفضل الصن مستعمرة لمصر عرفة لية علشان استراتجية الصناعة المصرية

لو هى نجحة هتقون مصر رائدا فى الصناعة

وعلشان الصين المنتج بتعها ملائم للشعب المصرى

من حيث المادة يعنى الفلوس صح ولا اية دايك

_________________

شكرا جيداء على الموضوع ده وإن شاء الله كل ده حيتغير على ايدى بس ربنا يسهل

_________________
بــــــــــــــــــــــــــــــــــدر

فعلا كلامك صح يا لؤى وانا معاك

بس السبب فى كل ده الحكومه

ميرسى يا لؤى على مرورك وعلى التعليق

تقبل تحياتى

ان شاء الله كل ده يتغير على ايدك يابدر

شكرا على مرورك الغالى

تقبل تحياتى