منتديات احلام عمرنا

مرحبا بك يا زائر فى منتدى احلام عمرنا

 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 توابع انقطاع النت, شباب مصر المسكين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همس الليل الحزين
مشرف
مشرف


عدد الرسائل : 1810
العمر : 29
الموقع : الليل الحزين
الأوسمة :
مزاجى :
تاريخ التسجيل : 20/08/2008

مُساهمةموضوع: توابع انقطاع النت, شباب مصر المسكين   الإثنين 22 ديسمبر - 16:45

خدت نفس عميق جدا جدا ... لدرجة إني حسيت إن خلصت الأوكسجين من البلد (قال يعني البلد لسه فيها حاجة مخلصتش) ... ورجعت أركز عشان أقفل الشغل اللي في إيدي ...
خلصت بدري في اليوم ده ... وقفلت الجهاز وأنا بمني نفسي بسهرة لذيذة تشيل عني قرف الشغل ....

نازل من على السلم بهدوء وسلاسة وفرح وعبير وهبة وعبلة و ....

" يوسف ... يا يووووووووسف "

اتنفضت وأنا نازل وخدت خمس سلالم مرة واحدة على ركبي المبجلة
" ايه يا عم إسلام ... مش توطي حسك شوية"
لقيت إسلام بيقرب مني بسرعة وكأنه هيقولي على سر القنبلة الهيدروجينية وهوه بيوشوشني بصوت مبحوح ... مقدرتش أميز منه غير :
" فصل ... راح .. النت ... وقف"
حاولت أهديه وأعمل نفسي حنين ... رحت خابط على ضهره خبطة مرزبة توقع برج القاهرة ... وقولتله بكل حنية :
"انت ياله ... اتعدل كده وخد نفسك زي البني آدمين ... واكلم عدل عشان مش ناقصاك "

لكن باين إن الخبطة الخفيفة بتاعتي جابتله إنزلاق غضروفي حاد وهبوط في الدورة الدموية ... فجحظت عيناه ووقع على الأرض وهوه بيردد :
" النت فصل ... النت قطع ... احنا خلاص فينيتو "

طبعا آخر فيوز في دماغي كان فص ... رحت سايبه ومكمل السلالم بكل هدوء وسلاسة وفرح بس من غير عبير ...
نزلت تحت وركبت المواصلات وحطيت دماغي على دراع الراجل اللي جنبي, راح باصص بكل قرف وعادلي دماغي بكف محترم ... طبعا زي ما قلت دماغي مش ناقصة قرف, رحت مريح على الكرسي ومديها سيمفونية التشخير المشهورة ...

قلقت في السكة علي كلام من عينة :

"الظاهر الكلام ده حقيقي ... أنا معنديش نت"
"بيقولوا النت قاطع في مصر كلها "
" أنا سمعت إن في كابل عمومي اتقطع عند البحر"

بدأت أقلُّق ... يكونش الواد المنيل إسلام كلامه صح ؟؟؟

" أنا بقى عرفت إن في طبق طاير على شكل قصافة نزل البحر وقطع السلك"

آآآآآآآآآآآه ... كده بقى دول شوية عيال مهيسة ضاربين بانجو ....
رجعت أنام تاني , وللأسف الشديد ريحت على دراع اللي جنبي و ... طااااااااخ .... اتعدلت الناحية التانية

-----------------------------------------------------

وصلت البيت وأنا وشي وقفايا حمر من كتر التحويل .... ودخلت الشقة من غير ما أعبر حد وطيران على أوضتي
قفلت الباب وفتحت الشنطة أتأكد إن العدة معايا .... كيس دوريتوز الأزرق عائلي, لتر بيبسي , بنص جنيه حلاوة , لبانتين سمارة ...
طبطبت على الكيس بحنان أبوي يمتزج به شعور شيطاني بالنشوة والأنتصار والفرح والهناء وبالمرة العبير ... وقعدت الجلسة المقدسة قصاد الجهاز ....

شغلت الجهاز وحمل بكا سرعة ... فركت إيدي كمن ينوي فتح خزائن علي بابا أو فتحي بابا مش هتفرق ...
بصيت في الشاشة ... ولقيت أيقونة الفاير فوكس بتلمع قصادي بثعلبها البرتقاني الرائع ... رحت ناحيتها بالماويس وضغطت كلكتين واستنيت ....
قغدت أستمتع برؤية الموقع وهوه بيتحمل واللودينج بيعد تحت و .......

ERROR LANDER

ايه ده ؟؟؟؟؟؟؟؟؟؟؟ دعكت عينيا وبعدين النضارة وقريت تاني .... أول مرة أشوف العبارة دي ....
مممممم -عملت عبقري يعني- .... يمكن عشان عامل موقع جوجل default وهوه حاول يفتحه لقاه واقع ؟؟؟

قلت أجرب موقع الياهو .... قعد يحمل ويلود و ...... ERROR LANDER

إيه ده ؟؟؟ ... طيب موقع Youtube, altavista deviantart ..... كله نفس الحكاية ...

رجعت بضهري لورا وأنا حاسس بصدمة محسيتهاش من ساعة ما جبت مادة تحليل نظم دور تاني ....

ترررررن

ايه اللي حصل ؟؟؟
تررررررررررن

أنا أكيد بحلم ...
ترررررررررررررررررررن

مفيش نت ؟؟؟؟؟؟
تررررررررررررررررررررررررررررررررن

فوقت على صوت التليفون ... رفعت الموبايل و رددت وأنا مسبهل ...

"ألو" (وأنا تايه)

ألو ... ازيك يا يوسف" (صوت تايه غير بتاعي)

"مين ... مين معايا" (لسه تايه برضه)

" أيه يابني ... أنا إسماعيل" (تايه هوه كمان)

"في إيه يا إسماعيل؟؟"

(صوت ريق بيبلع بصعوبة وكأنه بيبلع جزمة ريدوينج) " انت... انت شفت الليحصل ... حصل لخط ... النت"

"حصل إيه"

"النت فاصل في مصر كلها عشان الكابلات اتقطعت "

صرخت بصوت سمعه سكن غابات الأمازون:
" فاااااااااااااااااااااااااصل ... ليييييييييه ؟؟؟ ... وازاي اساسا الكابلات اتقطعت؟؟؟ .... اوعى تقولي فضائيين ومركبات فضاء"

سمعت صوته بالعافية وهوه بينهار
"انت عبيط ياله ... ده واحد في إيطاليا شد السلك من عنده عشان كان محشور ... قام اتقطع عندنا ..."

عيطت وأنا بقول بعيون بتنقط داتا :
"طيب والحل إيه دلوقتي ؟؟؟؟ "

فجأة صوته بقى جد وواخد نبرة صارمة وهوه بيقول :
"مافيش غير حل واحد"

"انت بتفكر في اللي أنا بفكر فيه ؟؟؟ "

"أكيد ... مفيش خيار تاني"

--------------------------------------------------

العناوين الرئيسية في جرايد اليوم اللي بعديه :

"انتحار جماعي لعدد كبير من الشباب بسبب انقطاع خدمة الانترنت"
" نقص في عدد شباب مصر بنسبة 80% على خلفية عمليات انتحار النت"
"الانترنت يقتل شباب مصر"


عنوان آخر تحت هذه العناوين :
"عودة خطوط الانترنت إلى مصر بعد التخلص من القصافة"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤى احمد
المدير العام
المدير العام


عدد الرسائل : 3267
الأوسمة :
مزاجى :
تاريخ التسجيل : 20/08/2008

مُساهمةموضوع: رد: توابع انقطاع النت, شباب مصر المسكين   الإثنين 22 ديسمبر - 17:34

شكرا ليك همس على الموضوع

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاصفة الاحزان بنت فلسطين
مبدعين
مبدعين


عدد الرسائل : 1464
العمر : 25
الجنس :
الأوسمة :
مزاجى :
تاريخ التسجيل : 09/11/2008

مُساهمةموضوع: رد: توابع انقطاع النت, شباب مصر المسكين   الإثنين 22 ديسمبر - 18:48

هههههههههههههههههههههههههه بيجنن همس بس النت مش فاصل بمصر بس حتى عندنا فاصل في كل البحر المتوسط انا من اسبوع وانا على الموبايل لان النت فاصل من عندنا برضو بس مفيش حد انتحر ولا مات لسه ربنا يستر هو لسه حيقعد كمان 5 ايام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الليل الحزين
مشرف
مشرف


عدد الرسائل : 1810
العمر : 29
الموقع : الليل الحزين
الأوسمة :
مزاجى :
تاريخ التسجيل : 20/08/2008

مُساهمةموضوع: رد: توابع انقطاع النت, شباب مصر المسكين   الإثنين 22 ديسمبر - 22:00

÷ههههههههههههههههههههههههههههههه
بجد ياصافى انا اتجننت فى هل اليومين ال انقع عنى النت فيه
حتى حاولت انى افتح عجوال الشبكه كانت معفنه
هههههههههههههههههههه
على العموم الف شكر لمرورك الجميل

_________________
من نحن من دنيا مصيبة لاقت في سماء الكون حدودا


متنا وعشنا ولم نزل نسابق الموت قبل الريح


فلسطين امنا ومازلت ولم تزل فلسطين ضياء الكون للتحريرا

عاشق فلسطين من القلب

http://www10.0zz0.com/2008/11/11/08/304830282.gif
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العفريت
مبدعين
مبدعين


عدد الرسائل : 79
المهنة :
تاريخ التسجيل : 04/10/2008

مُساهمةموضوع: رد: توابع انقطاع النت, شباب مصر المسكين   الثلاثاء 23 ديسمبر - 20:03

ههههههههههههههههههههه مشكور يا غالى على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الليل الحزين
مشرف
مشرف


عدد الرسائل : 1810
العمر : 29
الموقع : الليل الحزين
الأوسمة :
مزاجى :
تاريخ التسجيل : 20/08/2008

مُساهمةموضوع: رد: توابع انقطاع النت, شباب مصر المسكين   الأربعاء 24 ديسمبر - 7:05

تسلم ياحبيب قلبي لمرورك العسل
وينك عفروتى يارب تكون بخير

_________________
من نحن من دنيا مصيبة لاقت في سماء الكون حدودا


متنا وعشنا ولم نزل نسابق الموت قبل الريح


فلسطين امنا ومازلت ولم تزل فلسطين ضياء الكون للتحريرا

عاشق فلسطين من القلب

http://www10.0zz0.com/2008/11/11/08/304830282.gif
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
توابع انقطاع النت, شباب مصر المسكين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلام عمرنا :: .؛°¨ ღ مُنْتدَيَات عمرنا العَامّةْ ღ¨°؛. :: ஐ•.¸الـمنتدى العام¸.•ஐ-
انتقل الى: