المـــــــــايك معــــــــــاك . . . . . . ؟المزيد!

هتكلم على مرحلة الطفولة الاول

فى 14/7/1991
طبعا كلكم عرفين اليوم ده يوم شهاده الثانويه العامه مش بس كدا

لا انا كمان جيت الدنيا فى اليوم دا طبعا كان فى طلاب زعلنين كتير

وبرده كان فيهم فرحنين كتير ومنهم اخويا الوحيد

كان فرحان اوى رجع البيت اما رجع لاحظ حاجه غريبه

كان بيحسب ان الحاجه ده علشانه بس طلعت اوت
الفرحه دى كانت بسبب بيبى جديد فى البيت

بس طبعا البيبى دا مكنش اى بيبى
ده كان
اناااااااااااااااااا

على فكره انا جيت الدنيا دى بالصدفه
ماما مكنتش عارفه انها حامل فيا اللى فى الشهر التالت

وعملت المستحيل علشان مجيش الدنيا بس اراده ربنا فوق كل شئ

وطبعا اخويا كان زعلان كان خايف ليكون البيبى ولد ويروح الجيش
بس على فكره انا الوقتى دلوعه البيت كله ومحديش يقدر يستغى عنى

نسيت اقولكم انا اتسجلت فى تاريخ

28/9/1991

انا كنت طفله شقيه اوى اوى اوى
وعنيد جدا
يعنى فى موقف
حصلى وانا صغيره ولحد الوقتى بستغرب جدا عليه

كان فى عندنا مكان كدا على السلم فى البيت وفيه فتحه كان هوايه عندى انى العب فيه وانا عندى 4سنين
وكنت كل مره العب فى المكان دا اقع من الدور التانى على الارض وميحصلش ليا حاجه
خالص يعنى ممكن كنت اتخض شويه
من الموقف بس وبعدها ماما تجرى عليا تشوف حصل ايه
فيا
بس كانت تتفاجأ ان مفيش حاجه فيا

والموفق دا حصل معايا 5 مرات

اللى يحير بجد
ان بعد اخر مره حصل ليا الموقف ده باسبوع
كنت بلعب على
الترابيزه وماما فضلت تقولى
انزلى بس انا طول عمرى عنيده

وبعد ثوانى نزلت من على الترابيزه على الارض وعينك متشوف اللى النور

وشى كله ورم وكله بقى جروح وايدى انكسرت ولحد الوقتى فى جرح صغيره فى وشى
من اثر الوقعه دى

ههههههههههههههههه

وفى كمان موقف حصل معايا
بس موقف غريب اوى
فى يوم بلعب مع بنت صحبتى فى بيتهم بس بيتهم غريب شويه
لانه يعتر بيتين جمب بعض وفى النصف فتحه وفى الفتحه
دى معديه كنت بلعب معاها وكنت بخاف اوى من المعديه دى
وفى يوم البنت دى فضلت تقولى دى سهله خالص انا همسك ايدك وهنعدى مع بعض
بس حصل حاجه
وحشه خالص انا كنت بعدى كنت خايقه اوى وكانت ايدى بترتعش
جدا ومن كتر الخوف وانا بعدى ازحلقت شديت البنت صحبتى وقعت من الدور التانى على الارض
وانا فضلت على المعديه وفضلت اصرخ بصوت عالى جدا
مش عشان البنت

لالالالالالالالالالالا

عشان انا كنت خايفه جداااااااا

هههههههههههههههههههههههههههه

هههههههههههههههههههههههههههههه

شكرا ليكى جيداء

ميرسى يالؤى وياعاصفه على الرد الجميل دا
ويارب اكون عند حسن ظن الجميع

نرجع تاااااااااااااااانى

انا الحمدلله عندى اجمل ام فى الدنيا طيبه جدا وحنينه جدا
بس عشان انا الدلوعه

والفرق بينى وبين اختى اللى قبلى على طول 6 سنين ونصف
كانت ماما مشغوله مع اخواتى لكن اللى ربتنى هى اختى الكبيره
بجد ربتنى احسن تريبه
علمتنى حاجات كتيره اوى ممكن درست حاجات منها فى الثانوى وفى الاعدادى
مع ان الحاجات دى ربتنى عليها انا لسه بيبى
على فكره اختى بعتبر اصغر واشطر ام فى الدنيا
لان كان عندها فى الوقت دا13 سنه
بس ياخساره هى اتجوزت وانا فى الصف الخامس الابتدائى

وكانت فعلا اكبر خساره لانها كانت بالنسبه ليا اجمل حاجه
مش معنى كداان ماما سبتنى خالص
بس اختى هى اللى كانت بتعلمنى وكانت طبعا مهتمه بيا
وكانت كمان كل يوم تقوم الصبح عشان الحضانه من الفجر
انا طبعا كنت بروح الحضانه لسبين
الاول
ان اختى كانت بتيجى تاخدنى من الحضانه وكنت بطلع اول واحده وبكون فرحانه اوى

والتانى
ان اول مابروح كانت الدادى بتيجى ياخد منى المصروف كله
وكنت باخد مكانه شيكولاته وفشار
انا كنت نشيطه جدا فى فتره كان ممكن اروح الحضانه الساعه 7 الصبح
لدرجه انى كنت بروح اصحى الدادى
انا واصحابى
النشاط ده كله اتقلب عليا من الحضانه
انى جالى الحصبه

ومش انا بس وكل اصحابى اللى معايا

واللى فى الشارع بتاعى
طبعا انا كل يوم اشوف حد جديد جتله الحصبه والغريب كانت اى واحد يكون عنده الحصبه
طول ماهو تعبان وهو لابس فستان احمر دا بالنسبه للبنات
لدرجه انى اعتبرت ان ده عيد ولازم يكون فى فستان احمر
اول ماالحصبه انا تعبت بيها كنت مصممه البس احمر اشمعنا انا
ماهو عيد

هههههههههههههههههههههههههههههههههه
طبعا انا طول الفتره المرض وانا بالفستان الاحمر
بس الحمد الله مطولش معايا

انا دايماالحمدلله حظى مش كويس
وانا فى الابتدائى كان صوتى حلو وكنت بطلع اقول اغانى عن فلسطين فى الاذاعه المدرسيه

وفى يوم كان فى مسابقه بين فصلى وفصل تانى
وكان الفصل الافضل من خلال الاذاعه
انا الاذاعه الفصل بتاعى جميله جدا بس انا كنت السبب فى ان الفصل خسر
بس على فكره انا مش السبب
السبب انى اول ما مسكت المايك بس مش المايك ده لا المايك بتاع الاذاعه
هههههههههههههههههههههههههه
وفى واحده زملتى شغاله ضحك
وانا مش قدره اركز ومش قدره امسك المايك هموت واضحك
غصب عنى ضحكت ونسيت القصيده واتكسفت جدا
و الاستاذ بتاع الاذاعه اخد المايك منى وكمل هو الاذاعه وخلصت عادى
بس طبعا اكتر حاجه زعلتنى انى كنت السبب ان فصلى يخسر
///////////////////////////////
و انا فى الابتدائى اتعرفت على بنت كنت بحبها اوى ولحد الوقتى صحبتى
بس كنت انا وهى بنعمل حاجات غريبه اوى

يعنى فى يوم كان عندها جمبرى وكابوريا
وانا كمان كان عندى جمبرى وكابوريا
انا وهى قولنا نجيت الاكل من البيت وناكل فى المدرسه
وفى الفسحة والحقيقه انا وهى فى الفسحة اكلنا الجمبرى والكابوريا
ومحدش عرف خالص
بس اللى كشف السر
؟
الرائحه
هههههههههههههههههه
ياعينى الاستاذ مقدرش يدخل الفصل وعشان كمان البقايا الاكل كانت فى االباسكت
الاستاذ ده كان عندنا حصتين مع بعض
فكان الحل انه اجى وقال ليا انا وصحبتى نمشى وناخد البقايا معانا عشان يقدر يدخل
ويقول الحصه
بس انت كنت فرحانه جدااااااااااااا
عارفين ليه
عشان رجعت من المدرسه بدرى
ههههههههههههههههههههههههههههههههه
بس الغلطه الوحيد انى مكنش معايا صابونه كنت بحسب الرائحه هتروح بالماء
ههههههههههههههههههههههههههههههههههههه

انت تؤمرى ياعاصفه
ميرسى ياقمر على المرور

نرجع تانى
انا الحمدلله عندى اطيب واجمل اب فى الدنيا
اكتر واحد بحبه فى الدنيا كلها هو بابا
بحبه اوى
وهو كمان بيحبنى اوى
بابا اساسا صعب بس معايا طيب جدا
على طول نفسه اكون احسن واحده فى الدنيا كلها

اخواتى كلهم بيحبونى اوى على فكره انا عمتو وخالتو
عندى
8 احفاد
بحبهم اوى بس ياخساره مش بشوفهم غير فى المناسبات
لانهم كلهم فى الخارج
ونرجع تانى انا كنت اتكلمت لحد فترة الابتدائى

اما فى الاعدادى
دى كانت اجمل فترة فى حياتى كلها

عرفت حاجات كتير واتعرفت على ناس غريبه جدا
انا طبعا قولتلكم ان اختى اللى ربتنى اتجوزت وانا فى الصف الخامس الابتدائى

اختى اللى بعدها صعبه جدا وكانت شديده عليا اوى
وكانت بتحسبنى على الثوانى
هى فكره هى طيبه جدا بس كانت عارفه انى روحت مرحله تانيه وفيها ناس
غريبه وحاجات اغرب
كانت عاوزانى اكون احسن واحده فى الدنيا
انا كنت بتعامل مع كل الناس بطريقه واحده كل الناس
طيبين كل الناس بيحبونى
بس دى اكبر غلطه فى حياتى واثرت عليا كتير فى الثانويه
نرجع لاعدادى تانى
انا كنت بحب المدرسه اوى مع انى مكنش عاوزه اروح المدرسه دى
بس بابا قالى المدرسه دى اقرب من اللى كنت عاوزه اروح فيها
وانا بحب بابا اوى ومردتش ارفض ليه طلب
وكانت مدرسه جديد وكانت الدفعه بتاعتى اول دفعه تدخل فيها
بس اجمل لحظات حياتى كانت فى المدرسه دى بجد
كان كل حياتى ضحك وهزار ومرح
والحقيقه كنت فيها ممتاز
وكان فيها منافسه شديده بينى وبين اصحابى
وعارفين الفضل فى مين فى اختى لانها كانت اه صعبه وبس كانت عاوزه تحافظ عليا
بس ياخساره اتجوزت هى كمان وانا فى اجازه الترم الاول فى اولى ثانوى
انا كنت راحه الثانويه بمجموع عالى جدا
كنت بذاكر جامد فى الاعدادى كنت اول مره اذاكر فى حياتى واخر مره
فى الثانويه انا مكنتش بفتح كتاب
فيها كرهت الحياة
لانى شوفت ناس كتير وحشه
اوى
غرضها اساسى انها تزعلك بس
فيها سمعت كلام غريب
وعرفت حاجات اغرب
فيها حسيت انى كبيرت
مش انا الطفله الشقيه الدلوعه
لا انا كبيرة اوى
اما بالنسبه لحياة العاطفيه
فى الثانويه كل اصحابى كل يوم وتانى واحده تجى تقولى انا بحب
ومكنتش اعرف يعنى ايه حب والكلام ده
كله
وعرفت لما لقيت واحد بيقولى انا بحبك طبعا يومها اتصدمت جدا
يعنى ايه حب وكلام ومن ده
وكان رد فعلى طبيعى انى شتمته
لانى اعتبرت ان دا حاجه وحشه وازاى يجى يقولى كده
وبعدها كل شويه حد يرسل مع حد من اصحابى انه بيحبنى
وكان الرد كل مره هو الرفض
لان لا حياتى اللى عشيت فيها تسمحلى انى اعمل كده
مش معنى كدا ان الحب وحش
لالالالالالالالالا

اكلكم شوية عن الحب ياجماعه الحب ده حاجه حلوة اوى والله لما تحس ان فى حد خايف عليك وبيحبك مش لازم يكون الحبيب والحبيبه ممكن الام لاولادها والاصحاب لما يخافوا على بعضهم تحس ان فى حب ما بينهم كده ومشاعر بريئه طبعا زمانكوا بتقولوا اية الى جيه تشتغلنا دى
ههههههههههههههههههههههههههههههههههه

وعلى فكرة كل انسان فى رومانسيه بس بتبقى درجات ده فى راى يعنى محدش مش رومانسى
بس على فكره انا عمرى محيت خالص
بجد بجد

ننتقل بقى لحاجه تانيه


اه صحيح نسيت اقولكم مش انا اتفرجت اول امبارح على تشريح جثه وامبارح اتفرجت على الجن والعفاريت اللهم ما احفظنا على اليو توب
انا بترعب من الحاجات دى ومبعرفش انام بس بتفرج عليهم بقى اعمل ايه
بموت فى الافلام الرعب بحب اتفرج عليهم

ههههههههههههههههههههههه

نرجع تانى
انا بحب كل الناس
بعامل كل الناس على انهم اخواتى
اه نسيت اقولكم انا اخويا الوحيد اتجوز وانا فى تانيه اعدادى
عنده الوقتى
منه واحمد

انا بحب اللون الاحمر اوى
وبحب الفراخ
والفراوله
والموز
وبحب اعضاء منتدى احلام عمرنا
لان بحد اجمل اعضاء فى العالم كله

انا بحبكم اوى
فتى المنتدى
اجمل مدير فى الدنيا
لؤى احمد
اطيب انسان فى الدنيا
الادمن
اللى منورنا دايما
ويارب يكون معانا فى المنتدى على طول
نور

احسن مشرف عام بس يارب اجعل كلامنا خفيف عليها
عاصفه
بموت فيها لانها بتفكرنى
بارض الميعاد
ارض فلسطين
وعلى فكره انشط واحده فى المنتدى كله

الفتى الطائش
انسان جميل جدا و دمه خفيف
بدر
الهدوء كله والطيبه كلها
فتى الظلام
اللى منور المنتدى
للعفريت وشوشو
ويارب نشوفكم دايما فى المنتدى
وتحياتى لكم
سورى ياشباب انى مقولتش كل الاعضاء بس
وربنا
انا بحبكم كلكم

يلا........... كفاية كدا انهارده اخر يوم فى المايك

انا خلصت ...... المايك ليكم

يارب

ميرسى ياشباب على المرور


وانا اختار

الفتى الطائش

هههههههههههههههههههههههه

الحوار جميل اوى ياجيداء تسلمى

وأنا أختار بدر

أوك

ممكن أختار الادمن لو سمح

the manager