منتديات احلام عمرنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات احلام عمرنا

مرحبا بك يا زائر فى منتدى احلام عمرنا

 
الرئيسيةأحدث الصورالتسجيلدخول

 

 الفرق بين الولد الفافي و الولد البيئــة ؟؟؟؟؟؟

اذهب الى الأسفل 
2 مشترك
كاتب الموضوعرسالة
ابو تسنيم
عضو مجتهد
عضو مجتهد
ابو تسنيم


عدد الرسائل : 59
تاريخ التسجيل : 14/08/2008

الفرق بين الولد الفافي و الولد البيئــة ؟؟؟؟؟؟ Empty
مُساهمةموضوع: الفرق بين الولد الفافي و الولد البيئــة ؟؟؟؟؟؟   الفرق بين الولد الفافي و الولد البيئــة ؟؟؟؟؟؟ I_icon_minitimeالأربعاء 17 سبتمبر - 13:57

ازيكوا يا جماعة
الموضوع مضحك شوية بس اهي حاجه تسلينا شوية الفرق بين الولد الفافي و الولد البيئــة ؟؟؟؟؟؟ Dance الفرق بين الولد الفافي و الولد البيئــة ؟؟؟؟؟؟ Hihi
مقارنة بين الطفل الفافي و الطفل البيئة

الطفل الفافي) او (الهاف لايف )

............ ......... ......... .......

1-الولد من دول يصحى على صوت الكناري اللي في اوضته .... - سو سو سو سو .... -
_________

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -
_________

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -
__________

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -
__________

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -
__________

7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان -
__________

9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________

10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________

*الطفل البييييئه :
__________
............ .......
1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -
____________ _____

2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
____________ _____



3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع

- عشان كده ماتلاقيش في بيتهم صراصير -
____________ _____

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -
____________ _____

5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات -
____________ _____

6- دلوقتي معاد حرب كل يوم .. : ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟ : في دي ..... دييييب ...
- ضربة بالحله على نافوخه -
____________ _____

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه -
____________ _____

8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....


ورونى الردود علشان نكمل المقارنة


نكمل المقارنة بقى يلا مستعدين


في طابور المدرسه ....
=================

*الطفل الفافي (الهاف لايف) :

1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -
____________ _____

2- الطابور كله تمارين ونشاط ....
- على انغام الدي جي (ياسر شاكر) -

____________ _____

3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه -

____________ _____

4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -

____________ _____
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

____________ _____


*الطفل البيئه :

1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
____________ _____

2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -
____________ _____

3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
____________ _____

4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشه -
____________ _____

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
____________ _____

بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي
____________ _______

*الطفل الفافي (الهاف لايف) :

1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
____________ _____

2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

____________ _____

3- هاني ... دينر از ريدي
- السيييم بتاعهم لما يجهز الغدا -

____________ _____
4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك

____________ _____
*الطفل البييئه : ! !

1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
____________ _____

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -

____________ _____

3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
____________ _____

4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -
____________ _____

بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟
____________ _____

*الطفل الفافي (الهاف لايف) :

1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
____________ _________

2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
____________ _________

3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
____________ _________ __

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________ _________ _______
5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي -

الفرق بين الولد الفافي و الولد البيئــة ؟؟؟؟؟؟ Heart الفرق بين الولد الفافي و الولد البيئــة ؟؟؟؟؟؟ Heart الفرق بين الولد الفافي و الولد البيئــة ؟؟؟؟؟؟ Heart
يا رب يكون عجبكم

الرجوع الى أعلى الصفحة اذهب الى الأسفل
بدر
مشرف
مشرف
بدر


عدد الرسائل : 1296
العمر : 35
الجنس : الفرق بين الولد الفافي و الولد البيئــة ؟؟؟؟؟؟ Male10
الأوسمة : الفرق بين الولد الفافي و الولد البيئــة ؟؟؟؟؟؟ Mod
بلدى : الفرق بين الولد الفافي و الولد البيئــة ؟؟؟؟؟؟ Male_e10
مزاجى : الفرق بين الولد الفافي و الولد البيئــة ؟؟؟؟؟؟ Pi-ca-46
المهنة : الفرق بين الولد الفافي و الولد البيئــة ؟؟؟؟؟؟ Accoun10
تاريخ التسجيل : 13/08/2008

الفرق بين الولد الفافي و الولد البيئــة ؟؟؟؟؟؟ Empty
مُساهمةموضوع: رد: الفرق بين الولد الفافي و الولد البيئــة ؟؟؟؟؟؟   الفرق بين الولد الفافي و الولد البيئــة ؟؟؟؟؟؟ I_icon_minitimeالخميس 18 سبتمبر - 4:21

موضوع رائع

الفرق بين الولد الفافي و الولد البيئــة ؟؟؟؟؟؟ 679548
الرجوع الى أعلى الصفحة اذهب الى الأسفل
ابو تسنيم
عضو مجتهد
عضو مجتهد
ابو تسنيم


عدد الرسائل : 59
تاريخ التسجيل : 14/08/2008

الفرق بين الولد الفافي و الولد البيئــة ؟؟؟؟؟؟ Empty
مُساهمةموضوع: رد: الفرق بين الولد الفافي و الولد البيئــة ؟؟؟؟؟؟   الفرق بين الولد الفافي و الولد البيئــة ؟؟؟؟؟؟ I_icon_minitimeالخميس 18 سبتمبر - 10:48


مشكــــــــــــــــــــور يــــا بـــــــــدر على تشريفك الموضوع بمرورك الطيب
الرجوع الى أعلى الصفحة اذهب الى الأسفل
 
الفرق بين الولد الفافي و الولد البيئــة ؟؟؟؟؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» الفرق بين حب الرجل وحب المراة
» الفرق بين أكل البنت والولد
» الفرق بين المواصلات في مصر و أمريكا
» الفرق بين الأهلى والزمالك
» الفرق بين الصعيدى والفلاح

صلاحيات هذا المنتدى:لاتستطيع الرد على المواضيع في هذا المنتدى
منتديات احلام عمرنا :: .؛°¨ ღ مُنْتدَيَات عمرنا العَامّةْ ღ¨°؛. :: ஐ•.¸الـمنتدى العام¸.•ஐ-
انتقل الى: