واحدة الدولاب عندها بيعمل صوت لما القطر بيعدى من جنبهم
جابت نجار صلحو مرة و اتنين و تالت مرة قالتلو ولاهى مانتا
ماشى الا لما القطر يعدى و اشوفو هيتهز ولا لا شوية و جوزها
جة و النجار من الخضة استخبة فى الدولاب .... لما جوزها
شافو قالو انت بتعمل اية هنا قالو النجار لو حلفتلك باية مش
هتصدق انى مستنى القطر
_____________________
اتنين بلدياتنا بيلعبوا شطرنج فقال الأول: قتلتلك الحصان،
فأستأذنه الثاني دقيقة ورجع قالوا:سممتلك البهايم كلها.
_____________________________________
مرة واحد بلدينا نده على بتاع الأنابيب قال له : هات أنبوبه
هنا جاله بتاع الأنابيب بالأنبوبة و قاله فين الأنبوبه
الفاضية بلدينا قاله لا هشربها هنا
______________________________________
واحد بلدياتنا ساق العبط دخل فى الحيطه
_________________________
كان في مره قردين واحد حظه حلو والتانية حظه وحش ابو حظ
حلو قال "تعالي نسرقة موز من المزرعة" فطلع القرد اللي حظة
حلو فوق الشجره وابو حظ وحش تحت، صاحب المزرع وصل
ومسك اللي تحت وضربه، كل مره تتكرر الحكاية ده يتمسك ابو
حظ وحش، فقال ابو حظ حلو "خلاص تعالي نسرق وانا ابقي
تحت وانت تبقي فوق" وصل اولاد صاحب المزرعة عشان
يمسكوا اللي تحت قال لهم "لأ ده اضرب كفاية امسكو اللي فوق"
_________________________________
مره واحد بلدياتنا اتجوز
جه ابو العروسة قاله لو لقيتها بنت اضرب طلقتين فى الجو
وفرحنا
ولو لقيتها مش بنت اقتلها واغسل عارنا
بلدياتنا اول يوم ضرب طلقتين .. وتانى يوم موتها
______________________________
واحده ست مسكت حرامى فى المطبخ
فقالت لابنها روح إنده ابوك من على القهوة
جه ابوه، ولما فتح المطبخ لقي الحرامي صغيّر فقال له
انت اسمك ايه؟
قالوا كريم ،فقعد يضرب فيه لحد ما عجنه
تاني يوم الست بتفتح باب المطبخ لقيت حرامي
قالت لابنها روح يا وله نادي ابوك من على القهوة
جه الراجل ولما دخل المطبخ لقي واحد طول بعرض
بص لمراته وقال لها امال فين كريم ؟
_________________________
واحدة راحت تخطب لابنها .. ام العروسة بتسألها ... وياترى
ابنك بيدخن ؟؟؟ ردت عليها : لا لا لا الحمد لله ، ابنى ما
بيدخنش..... الا اذا سكر
___________________________________________________________________
واحد بلدياتنا جوز بنته تاني يوم لاقاها قاتله العريس
قال لها عملتي كده ليه يابتي
قالت له الشرف غالي يا بوي
___________________________________________________________________
مره مدير شركه مارلبورو قابل مدير شركه كيلوباترا فقالو انا
مره لقيت فى السجاره بتاعتكم خشبه ..
انتم بتستوردوا التبغ منين؟ ...فرد عليه مدير شركه
كيلوباترامتعجبا .....يعنى ايه تبغ!!!!!؟؟؟؟؟؟
___________________________________________________________________
مرة واحد بلدياتنا عرف ان الجلد موضة مشى عريان
_______________________________
جماعة اغبيا عملوا أتوبيس بالعرض
عشان كلهم يركبوا قدام
____________________________
واحد غبي مبيعرفش يعوم
وقع فى البحر مات محروق
____________________________
كمسرى ماشى فى جنازة بيقول يا جماعة الجنازة فضيا قدام
________________________________
واحد بلدينا اشترى موبايل، ركبله جهاز اظهار رقم الطالب!!!!
_____________________________
مجانين حط لهم الدكتور أغنيه ... قامو يرقصوا
الا واحد !! الدكتور قال له :
ما بترقصش ليه
قال له اصل انا العروسة
______________________________________
مرة واحد صعيدى بيدهن الحيطة.... قالوله طب حط جرنال
تحتك... قال لهم : لا مش مهم انا كدا طايل
________________________________________________________
حشاش بيقول لصاحبه:
أنا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك
_____________________________________________________
واحدة عاوزة زوجها يحبها من اول ليله قالته :
اسكت .. مش انا حامل
_______________________________________
بلدياتنا قتل مراته عشان رضيت تمسك إيده
________________________
ولد صغير بيقول لـ مامته .. بتضربينى ليه يا ماما .. هو انا بابا
___________________________
مره واحد بلديتنا اتغاظ من مراته ولع فى نفسه وحضنها
____________________________
مره واحد عداه العيب استنى العيب اللى بعده
___________________________
اتنين مساطيل كانوا ماشيين فى الشارع واحد قال لصاحبة اول
واحد هيعدى من هنا هنقطع راسة ونلعب بيها كورة فواحد عدى
مسطول اكتر منهم قالولوا هنقطع راسك نلعب بيها كورة راح
مطلع المطوة وقالهم هفسيهلكوا قبل ما تلعبوا بيها
____________________________
مرة فار سكران على الاخر
شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف
القط مفروم قال (يووة هو انا كل ما اسكر اعملى مصيبة)
_______________________________________________________
تلاته خرجوا فرحلة ..واحد
مصري والتاني صومالي والتالت أمريكاني..دخلوا
كهف وناموا..وصحيوا بعد 300سنة!..
كل واحد فيهم قام رجع بلدة..
الصومالي شغل الراديو سمع:
(الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع:
(سيدافع الجيش الأمريكي عن البلاد لآخر جندي!)
المصري شغل الراديو سمع:
(إخترناه..وبايعناه...وعشان كده احنا اخترناااااااااااااااااااه!)
___________________________________
واحد اهبل ابوه اداله شريط ديني
جه بعد اسبوع لقاه متحجب
______________________________
سواق تاكسى دخل ينام مراتة قفلت علية الباب
ندهلها وقالها افتحى الباب واقفلية تانى
________________________________________
اتنين حراميه دخلوا بيت ، واحد منهم دخل البلكونه ، شوية وصاحب البيت
دخل عليه فقالوه انت بتعمل ايه هنا؟ قالوه انا كنت بحارب اليهود
بالطياره و بدمر فيهم ، لحد لما طيارتي عطلت و انا نطيت
بالبراشوت و
نزلت في بلكونتك ..... قالوه ايوه كده تعجبنى ، مش التاني اللي
قاعدلي في البانيو و بيقول علي نفسه من الضفادع البشريه!! !
__________________________________
مرة واحد راح السودان بالليل ملقاش حد.
___________________________________
مره واحد صعيدى بيقول لصاحبه نتقابل يوم الاتنين ان كان لينا عمر
فقاله وان مكانش لينا عمر
قاله خلاص نتقابل يوم التلات
____________________________________
استلذ سأل تلميذ ؟؟
الثعلب بيولد ولا بيبيض قاله ده مكار اتوقع منه اي حاجه
__________________________________________
مرة اتنين أغبيه
عندهم حصانين.. فكانوا عايزين يعلموهم علشان ما
يتلغبطوش بينهم .. الاول قطع اذن حصانه وراح قال للتاني ، فالتاني
قاله ااه يخرب بيتك انا برده عملت كده.... فالاول راح فقع عين حصانه
، و راح قال للتاني.... فالتاني قاله ااه يخرب بيتك انا برده عملت
كده.... فالاول قاله انت هتصدعلى دماغي... خد انت الحصان الاسود وانا الحصان البيض
_________________________________
مرة واحدة قاعدة مع جوزها قاللها انا بحب فيتراك قالت له و انا بحب
مجدى قالها فيتراك دي مربى قالت له ومجدى ده عسل
________________________________________
اتنين مساطيل ماشيين على سطح بيتهم واحد وقع فى الخزان ....التانى
راح استناه عند الحنفية
____________________________________________
مرة واحد بتاع سمك أبوه مات فماشى فى الجنازة يقول :كان صاحى وبيلعب.
_________________________________________________
مرة واحد بلدياتنا وقع فى حفرة نزلولوا حبل طلع مخنوق.
________________________________________________
كسلان داخل الامتحان وقع منه القلم سلم الورقه
_______________________________________________
واحد عنده كتكوت مفترس ، كل ما يدخله قفص الفراخ يروح الكتكوت واكلهم
، وفي قفص القرود ياكلهم ، وفي قفص القطط ياكلهم ،
راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ،
الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
__________________________________________________________
مرة فار ماشى مع خطيبته فى الغابة وفجأة لقى الاسد
,فحب يعمل راجل قدام خطيبته
فراح للاسد قاله : انت حيوان .. الاسد رد قاله: انت
بتشتمنى انا ؟؟ رد الفار وقاله: ايوة بقولك انت
..و مشى الفار وروح خطيبته لبيتها .. وهو راجع قابله
الاسد قاله : انت كنت بتشتمنى انا يا فااااار ؟؟
قاله لا والله هو انا اقدر ؟ ده انت ملك الغابة هو حد يقدر
يشتمك ؟؟ انا اسف وهات راسك ابوسها
..طلع الفار على راسه عشان يبوسها فلقى خطيبته معديه.. فقال
للاسد: ادوس على دماغ امك دلوقتى؟؟؟
_______________________
واحد ركب اوتوبيس شاف واحده قاعده راح بصلها فبصتله ,
ضحكلها ضحكتلو غمزلها غمزتلو راح شاورلها على المحطه ,
فنزلت ....راح قعد مكانها
_______________________
واحد راح الصيدلية وقال للدكتور: عايز لبن اطفال .....
الدكتور: اسمه ايه !؟
الراجل : اسمه اشرف
________________________
بخيل واقف فى البلكونة... ابنه جاى من بعيد بيقول له بابا بابا
بابا ... قاله: يا ابن الكلب بابا واحده كفاية.
______________________
مره واحد صعيدى خد 100 قفا على سهوا
________________________
واحد بيقول لخطيبته لما ازمرلك انزلى
قالتله هو انت اشتريت عربيه
قاللها لأ اشتريت زماره
______________________
واحد بيسأل خطيبته : حد قبلى لمسك ؟ سكتت
قالها : زعلتى
قالت له : بأعدهم
___________________
واحد صعيدى قال لابوه
انا عاوز موبايل ابوه قاله موافق بس بشرط
تركب اخواتك معاك
___________________
بلدياتنا مراته ولدت بنت
الساعه 3 بعد نص الليل ...دبحها وجال ماعنديش
بنات تيجى آخر الليل
______________________
صعايدة بيكتبوا محاضرة مع الدكتور
كل ما يمسح السبورة يقطعوا الورقة
___________________
واحد صعيدي نزل يتمشي.. جابوه من ع الحدود
__________________
صعيدي اشتري كمبيوتر...
شال الماوس وحط جاموسة
__________________________________
واحد عنده مزرعة فراخ..
دخل المزرعة لقي كل فرخة بايضة بيضة واحدة بس..
مسك فرخة من رجليها ونتف ريشها وقطعها..
وقال للفراخ اللي مش هتجيب بكرة خمس بيضات
هقطعها زي الفرخة دي
تاني يوم لقي كل الفراخ بايضة خمس بيضات
ماعدا فرخة بايضة تلات بيضات بس
فقاللها ايه ده؟؟ قالت له استر عليا ده انا ديييييييييييك
________________________
ندل بيوصي عياله يكونوا في الحياة أندل منه ، تعب وهو في غرفة
الإنعاش جت روحه تطلع وعاوز يقول الشهادة قام واحد من عياله سد بقه
___________________________
واحد ندل قعد لمده سنه يتحايل على حبيبته علشان تخرج معاه ولما
وافقت رح قال لأبوها
______________________
بلدياتنا نجح في انتخابات مجلس الشعب،
ففي اول جلسة قاعد جنب واحد
افندى فالأفندى عزم عليه بسيجارة مارلبورو،
وبعد شويه بيسالوا إيه رأيك
في الديمقراطية ياحاج؟؟..
فرد الحاج : والله أحسن من الكيلوبترا
________________________
واحد صعيدي دخلت في بؤه دبانه وهو بيشرب الشاي ...
الدبانه خرجت تتف
______________________
واحد صعيدي لقى خاتم سليمان ...
جه يفركه ...
فعص العفريت
الجمعة 8 أغسطس - 10:35
