سلّة اوجاعي

وجع حب .. وجع خوف وجع شوق وجع ضيقه
على كيفك .... وهاك اختار هذي سلة اوجاعي
*
غلا واسمع .. نزيف الجرح كلام الصمت ما طيقه
أنا محتاج اسولف لك .. عن أول وآخر أوضاعي
*
ابد ما يجرحك صوتي .... حياة الطير تحليقه
عليك الله تصير الكون .... والمسباق والداعي
*
انا اصدق طير في الدنيا عشق حتى مسابيقه
ولكني بقيت اذكر معك ....... ايام مرباعي

تعال
تعال افتح كفوفك حلم اموت بيوم ...... تحقيقه
تعال ارسم بحور العشق واكسر لو تبي اشراعي
*
ابي غيم سرق ربعي ..... وذللهم بتشويقه
اكون اول بشر مجنون .. تزوره بالعطش قاعي
*
وحتى لو وهم تكفى ...... ابتوهم بتصديقه
ابي ذاتي .. ابي مولد يوازي صرخة الناعي

احس
احس بداخلي عالم .... حرام اقتل مخاليقه
حرام اسكت وانا صوتي نثرته وجه لتباعي
*
يا أول قلب يبكيني ..... وتبكيني مواثيقه
انا اطباعي مهي زينة .. لكن هذي اطباعي
*
تغربني قوافي المـــوت واقود العمر تشريقه
اعيش بشبه غيبوبه واعرف إن الزمن واعي

اكملك
وجع خوف .. وجع شوق وجع ضيقه
على كيفك ترتبني .. حلالك كل اوجاعي