والله يا جماعة مش عارف ارد واقولكو ايه بس موضوع الحب معايا بصراحة غريب شوية بداية انا عمري ما كلمت وحدة في حياتي منكرش اني حاولت اتكلم مع بنات بس مكنش فيه نصيب وفي يوم من الايام اتعرفت علي بنوتة من بلدنا وكنت بكلمها علي طول وبدات صداقتنا علي اساس اصحاب عادي يعني مكنتش بفكر اني اكلمها قبل ما اتعرفت عليها ولا هي كمان بس يمكن اتعرفنا علي بعض عن طريق الصدفة وكنت بتكلم معها يوميا علي التليفون بس بصراحة كانت دمها خفيف اوي وهي كمان اعجبت بيا جدا ويمكن لدرجة انها حبتني في الفترة الاولي يمكن علشان كان في ناس كتيرة اوي معجبين بيها وكانو نفسهم يكلموها وانا من حسن حظي اني مكتش اعرفها وكنت بتكلمها معاها عادي جدا مش زي اي حد نفسه يكلمها ويمكن هي اعجلت بيا اكتر لما حست ان كل الي حبو يكلموها كانو بيقوللها كلام حلو وحجات من دي بس اما كنت مقضيها تريقة ويمكن ده الي لفت نظرها اوي يمكن انا اتعرفت عليها السنة الي فاتت زي اليومين دول كدا في اواخر الشتا وبصراحة استمر فترة صداقتنا الي انا ما زلت بفتكرها وبدات اتعرف علي اسرتها ومامتها وكدا وكانت مامتها بتحبني موووت وكانت معحبة بيا اوي اني بجد كنت محافظ علي بنتها اوي لاني كنت بتعامل مع ربنا قبل اي حد واكيد انا ليا اخت ومرضاش ان حد يوجهلها كلمة وعن طريق صحوبتنا الجامدة عرفت عنها كل حاجة وهي عرفت عني كل حاجة وبصراحة من اجمل الايام الي عشتها يمكن معاها بعيد عن الحب يعني كنت بحس ان الواحد له حاجة جديدة كدا في حياته وكنت مظبط بقة الاداء يعني كنت باخد التليفون الاودة لوحدي واقعد اسمع اغاني وحركات وكويس اني جبت في سيرت الاغاني لانها في بداية تعرفنا قالتلي علي فكرة انا عاوزة اسميك اسم يا محمد قولتلها ايه هو الاسم ده قالتلي هسميك حياة الروح قولتلها يا بنتي ده اسم ميقولوش غير اتنين بيحبو بعش قالتلي يا عم انا سميتك كدا بقة احسبها زي ما تحسبها بصراحة اعجبت بكلمها جدا بس مكنتش محسسها بكدا خالص ومرت بينا الايام وبصراحة يا جماعة انا قولت ان الفترة دي كانت اجمل ايام حياتي مش مسالة اني حبتها ولا كدا لا بصراحة علشان حبيت الجو الي كنت عايش فيه من كلام ومن ضحك ومن عتاب ومن كل حاجة في كلامي معاها وبجد دي حاجة بالنسبالي جميلة اوي مش عارف بقة ده علشان هي حلوة ولا علشان انا الي كنت عايش جو جديد في حياتي بس يمكن احلي حاجة عملتها اني كنت ديما بقولها جملة انا لسا فاكرها )مش عاوز اكون انسان في حياتك ممكن تمري بيه ولو لقدر الله احنا افترقنا مش عاوزك تحسي اننا وعدتك باي حاجة ومنفزتهاش وبصراحة انا الحمد لله عمري ما قولت كلمة الا ما كنت قدها ولو حسيت اني مش قدها عمري ما قوتلها لاني هيبقي منظري وحش قدمها بعد كدا وقدام نفسي وقدام ربنا وللاسف الشديد هي بعدت عني يمكن هي سافرت برة مصر وانا كنت سافرت القاهرة للدراسة بس اول ما هي سافرت انا بدات احس اني محتاجلها اوي وبجد كنت حاسس بعيد عن الحب كنت حاسس اني نقصني حاجة يعني في حاجة خنقاني او في حاجة نقصاني وهي قطعت اتصالتها بيا وفي مرة لقيتها بتكلمني وقولتلها علي الي انا حاسس بيه
وبعد المكالمة دي قطعت تاني اتصالتها عن شرط انها كانت بتكلم صحبتها علي طول المهم جيت في يوم اتصل بيها قامت بعتالي رسالة علي الموبيل وقالتلي انساني وكلام من ده بصراحة كان الكلام نازل علي قلبي عامل زي مية النار او اكتر هههههههههههه وكنت مخنوق جدا وحاسس ان الدنيا مغمقة معايا والفترة دي كانت مش بعيدة يعني السنادي وبرده حصل في الفترة الاخيرة بعض مشاكل وهي الي كانت غلطانة فيها اوي اوي وبرده الاتصلات اتقطعت ولحد ما جه يوم في خلال الشهرين الي فاتو قعدت هي نت وانا كمان كنت قاعد وفتحت ]في الحوار معاه وقولتلها انتي ليه بعتليلي في الرسالة انساكي وكدا قالتلي علشان انا كنت عارفة ان بتكلم بنات غيري قولتلها بنات مين يا بنتي مهو لو انا بتكلم مع غيرك كنت قوتلك وبعدين بنات زي مين قالتلي اسميهم وطبها انا مقدرش اقولهم يا جماعة علشان لو قولتلهم هنا غي ناس هتزعل مني في المنتدي لاني انا نفسي مكنتش مصدق بس عموما الي حصل حصل وفي الاول والاخر يمكن انا طلعت من الموضوع خسران بس الحمد لله انا كل الي يهمني ان نظرتي قدام نفسي تمام ونظرتي قدام ربنا تمام ونظرتي قدامها هي تمام ومن وقتها وانا بصراحة كنت نفسي الاقي حد افضفضله بدل منا كاتم جوايا وبصراحة ملقتش اي حد ولا هلاقي والموضوع هيموت جوايا وبصراحة انا زعلان من حجات كتيرة جدا حصلتيلي الفترة الي فاتت ومن الناس الي هي قالت اسميهم دول ولحد الوقتي مش لاقي اي حل للموضوع ده وعلشان كدا انا عملت موضوع في قسم الحب والرومانسية اسمه عايزة مني ايه عليكو تشفوه برده بس كل الي بفكر فيه اني الاقي انسانة تسمعني واتكلم معاها وتفهمني وتكون خطوة معايا لقدام
طبعا شكرا اخى الكريم واانا كان نفسى بجد اتعرف عليك اخى الحبيب بس مافى نصيب اليوم ان شاء الله بروح الغردقه ومافى اى وقت انى اجلس عنت وبرجع ان شاء ربى بعد 24 يوم وان شاء الله ان أحيانى ربى برجع المنتدى الجميل وتسلمو يااحلى اعضاء بجد بتوحشونى كتير وبتوحشنى موضعكم الجميله وبارك الله فيكم يارب
جيداء مشرفة
عدد الرسائل : 829 العمر : 32 الجنس : الأوسمة : بلدى : مزاجى : المهنة : تاريخ التسجيل : 29/07/2008
والله انت انسان جميل يا زيكو وكلام جميل جدا انا كان ورايا مشوار مهم جدا وانا بقرء الموضوع بس انت شدتنى جامد ليه باسلوب الجميل وخفة دمك وقلبك الطيب وبصراحة يا جماعة كل الصفات اللى محمد قالها هيا فعلا فيه وربنا يوفقه فى حياته ويلاقى اللى عايزه ويبقى رجل اعمال ناجح وعلى فكره دى امنيته اللى بيقولها ليا دايما وحكاية الحب اللى كنت عايش فيه مفيش نصيب بس على فكرة هيا كده مش غلطانه وانت اللى بكاش شوية ومعلش بقى يا جيداء كنت نفسى ارد عليكى والمايك معاكى بس لما قرأته عجبنى جدا وانتى شخصية جميلة بجد يلا مش هطول عليكى وانا هرشح للمايك للمشرق الجميل mr tigo
عاصفة الاحزان بنت فلسطين مبدعين
عدد الرسائل : 1464 العمر : 32 الجنس : الأوسمة : مزاجى : تاريخ التسجيل : 09/11/2008
مش عارفة ابدأ بإيه مبحبش اتكلم عن نفسي كتير بس هحاول علي قد مقدر أنا انا واعوذ بالله من كلمه انا نور 22 سنه خريجه تجاره جيت على الدنيا يوم جمعه فى اليوم دا كان عندنا فى البيت عزومه وكانت ماما وستو بيجهزوا الاكل وبعدين ماما تعبت وأنا جيت ونسو الاكل على النار وطبعا باظ وكله فدايا وأكيد البيت كله فرحان وطبعا كان فى قله بسيطه من العائله القرايب وكدا بيقولوا لبابا انتا زعلان علشان بنت قالهم لاء كل بنت بتيجى برزقها انا عايش برزق البنات مش برزق الولاد وبابا بيحبنا جدا ان كان ولاد ولا بنات كلنا واحد والحمد لله بيعامل البنات احسن من الولاد واللى كانوا بيقولوا لبابا كدا دى الوقتى بيقولوا يا ريتكوا كونتوا بنات شوفوا البنات عملين ازاى . أنا الحمد لله اخواتى كلهم متزوجين ولاد وبنات لسه اختى الصغيره بس وعندنا ولاد اخواتى ماشاء الله عن قريب هيكملوا فريق كوره والاحتياطى كمان ههههههههههههههههههههه
وأنا صغيره كنت هاديه جدا ومكنتش بطلع برا البيت غير فى الاعياد فقط ستو كانت عيشه معانا فى البيت أم بابا وكانت مبتخلنيش أطلع برا كانت بتخاف عليا اوى وبابا كان يقولها سبيها تلعب وكدا تقوله لاء ياترا ليه أروح أعمل شاى وارجع اكملكم
لؤى احمد المدير العام
عدد الرسائل : 3266 الأوسمة : مزاجى : تاريخ التسجيل : 20/08/2008
رجعتلكم تانى والله أنا حاسه انى فى امتحان تشربوا شاى الاول لاء أحسن برده هههههههههههههههه ميغلاش عليكم طبعا شاى وعشا كمان
نرجع نكمل اقولكم انا بائه بيقولوا وأنا صغيره كنت شكل الاجانب هههههههههههههههههههههههههههه هههههههههههههههههه هههههههه أخاف عليه لتتخطف يقولها احنا فين تقوله لاء أنا خيفه عليها ودا طبعا كان سبب سؤ تفاهم بين ماما وستو علشان ماما بتقولها سبيها تروح مع اخوتها الحضانه وطبعا لاء تقولها هتخيبيها ستو كانت طبعا بتحبنى جدا وأنا كمان وكانت بتذاكر لاخواتى وبتكتب ليهم الواجب كمان ههههههههههههههههههه وكانت عندها ثقافه عاليه جدا وكان مثقفه جدا يعنى انا واخواتى أخدنا منها حب القرأة الان كانت كل يوم باب يجيب ليهاالجرائد والمجلات تقرئها واحنا كنا صغيرين تقعد جمبها نقولها دى ايه كانت تقعد تقولنا وتفهمنا وأنا واخواتى الوقتى كلنا ادمان قرأه بذات الجرائد والمجلات وفضلت عيشا معنا فتره طويله وتوفيت وأنا فى الابتدائى يعنى من حوالى 14 سنه كلنا كنا زعلنين عليها جدا لان دى كانت أمنا الثانيه وماما كانت بتبكى عليها اكتر من أولادها البنات وكانت بتحبها جدا ومكنتش بتزعلها حتى وهيا بتموت كانت بتدعلنا وماما اكتر كمان وبابا وماما ربنا يخليهم بيحبونا جدا وعيزين يشوفنا ف أحسن صوره وبجد مش مخلينا محتاجين حاجه هما صحيح بيكونوا صعبين بس كل لما الواحد بيكبر بيقول الحمد لله اللى هما كانوا كدا وأنا صغيره كنت طول عمرى هاديه جدا وصحيح مكنتش بخرج بس بلعب مع اخواتى والجيران عندنا فى البيت وكنت أنا الصغيره لفتره وبعدين جت أختى وهيا دى الوقتى أخر العنقود وكانت أختى اكبر منى أنا وهيا اصحاب جدا من وأحنا صغيرين كنا بنروح المدرسه وبنلعب مع بعض على طول عكس الاخوات ممكن بيغيروا من بعض لكن انا بجد بحس اننا واحد لما انا اعوز حاجه هيا بتعملها على الطول او انا لغايه دى الوقتى وطبعا احسن فتره هيا فتره الابتدائى والتجاره كان ليا اصحاب كتير طلبه او مدرسين والحمد لله لسه على صله للوقتى كان ليا اصحاب من البلد ومن خارج البلد وفى متزوجين وخارج البلاد بس بيكلمونى وعلى صله كويسه الحمد لله انا عارفه انى طولت عليكم
عدل سابقا من قبل نور في السبت 7 مارس - 21:41 عدل 2 مرات
نور مشرفة عامة
عدد الرسائل : 2776 الجنس : الأوسمة : بلدى : مزاجى : المهنة : تاريخ التسجيل : 02/08/2008
الإثنين 2 مارس - 14:38
